Онцлох мэдээ: 2019 оны 4 дүгээр сарын 12-ны өдрийн байдлаар гол мөрний мөсний зузаан өмнөх арав хоногоос 5-35 см нимгэрч , мөсний үзэгдэл идэвхижиж, мөсний нягт багасан мөс хэврэгшиж байгаа тул цаг хожих, зам товчлох зэргээр мөсөн дээгүүр явах, авто тээвэр хийхгүй байхыг  онцгойлон анхааруулж байна. Мөн түүнчлэн Монгол орны нийт газар нутгийн 38 хувь нь цастай байгаа ба агаарын температур нэмэгдэхийн хэрээр  гол мөрний сав газар дахь цас, мөс болон өндөр уул, ой модтой, нар бага тусдаг газруудад үлдсэн  цас хайлж шар усны үер буух нөхцөл бүрдэх тул шар усны үерээс урьдчилан сэргийлэхийг анхааруулж байна.  

Өчигдөр өдөр баруун болон төвийн аймгуудын нутгийн хойд хэсгээр 1-8 градусаар хүйтэрчээ

Өнгөрсөн хоногт Булганы нутаг, Увс, Завхан, Хөвсгөл, Архангай, Сэлэнгийн хойд хэсгээр 0,0-6,0 мм цас орсноос хамгийн их нь Булганы Тэшигт 6,0 мм, Хутагт 5,0 мм, Бугатад 3,0 мм, Хөвсгөлийн Чандмань-өндөрт 3,0 мм,   цас орсон байна.

Өнөө өглөөний 08 цагийн цаг уурын өртөө, харуулын талбай дээрх хэмжилтээр Увс, Завхан, Хөвсгөл, Булган, Дорнод аймгийн нутаг, Баян-Өлгийн өмнөд, Говь-алтай, Архангай, Сэлэнгийн хойд, Сүхбаатарын зүүн хэсгээр 0,5-17 см цасан бүрхүүл тогтсоноос хамгийн зузаан нь Хөвсгөлийн Хатгалд 17 см, Увсын Малчин 15 см, Хяргаст 13 см, Хөвсгөлийн Улаан-уулд 12 см цасан бүрхүүл тогтсон байна

Өчигдөр өдөр баруун болон төвийн аймгуудын нутгийн хойд хэсгээр 1-8 градусаар хүйтэрч Алтай, Хангай, Хөвсгөлийн уулархаг нутаг, Хүрэн бэлчир, Завхан голын эх, Идэр, Тэс голын хөндийгөөр -4 градус хүйтнээс +2 градус дулаан, бусад нутгаар дулаарч Их нууруудын хотгор, Алтайн өвөр говь, Орхон-Сэлэнгийн сав, говь болон зүүн аймгуудын нутгаар дулаарч +14...+20 градус, бусад нутгаар +3...+13 градус дулаан байв.

Харин шөнөдөө Монгол Алтайн уулархаг нутгаар 15-25 градус, Говь-алтайн нуруу, Дархадын хотгор, Хөвсгөл, Хэнтэйн уулархаг нутгаар 2-8 градусаар хүйтэрсэн бол бусад нутгаар 1-6 градусаар дулаарч Алтайн өвөр говь, говь болон зүүн аймгуудын нутгийн өмнөд хэсгээр +1...+6 градус дулаан, Монгол Алтайн уулархаг нутаг, тэс голын сав, Дархадын хотгороор -16...-21 градус, Хангай, Хөвсгөл, Хэнтийн уулархаг нутаг, Завхан голын эх, Идэр, Тэрэлж голын хөндийгөөр -8...-14 градус, бусад нутгаар  -1...-7 градус  хүйтэн хонолоо.

Cалхи: Өнгөрсөн хоногт ихэнх нутгаар секундэд 5-10 метр, баруун аймгуудын ихэнх, төвийн аймгуудын зарим газраар секундэд       15-18 метр хүртэл ширүүсч шороон шуурга шуурсан байна. Ховдын Мөнх-хайрхан, Говь-Алтайн Бугат, Өлгий хот орчмоор салхи түр зуур 24-27 м/с хүрсэн байна. 

Улаанбаатар хот орчмоор: Өнгөрсөн хоногт цас ороогүй. Салхи зүүн өмнөөс секундэд 5-10 метр. Өдөртөө дулаарч +12...+14 градус хүрч, шөнөдөө  -2...-7 градус хүйтэн хонов.

<< Буцах

Онцлох мэдээ

Улаанбаатар - 2019/04/19

20 цаг

4 39
O
CF
Шороо тоос
6 м/с

ӨНӨӨДӨР - 2019/04/19

17 62
O
CF
Багавтар үүлтэй

14 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store