Онцлох мэдээ: Мөс цөмрөх аюулаас сэрэмжлүүлэх мэдээ Арванхоёрдугаар сарын эхний арав хоногийн байдлаар манай орны ихэнх гол мөрөн, нуур битүү мөсөн бүрхүүлтэй мөсний зузаан улам нэмэгдэж байгаа хэдий ч нуурын толио болон гол мөрний нийт уртын дагууд мөсний зузаан харилцан адилгүй байгаа ба  мөсний даац хүн, мал, машин тэрэг явахад аюулгүй хэмжээнд хүрч бэхжээгүй тул мөсөн дээгүүр явах болон авто тээвэр хийхгүй байхыг онцгойлон анхааруулж байна. Гадаргын усны судалгааны хэлтэс 2019-12-12

Өнгөрсөн 7 хоногт Улаанбаатар хотын Өлзийт хороололд 110,0мм бороо орсон байна

Тунадас: 8 дугаар сарын 5 болон 11-нд ихэнх нутгаар, 6-нд баруун болон зүүн аймгуудын нутгаар, 7,8-нд зарим газраар дуу цахилгаантай аадар бороо орлоо. Түүнчлэн 9-нд төв, говь болон зүүн аймгуудын ихэнх нутгаар үргэлжилсэн бороо орж долоо хоногийн нийлбэр хэмжээгээр 0.1-110,0 мм тунадас орсноос Улаанбаатар хотын  Өлзийт хороололд 110,0мм, Буянт-ухаад 99,0мм, Өвөрхангайн Баян-өндөрт 97,0мм, Төв аймгийн Баян-өнжүүлд 96,0мм бороо орсон байна.  

Агаарын хамгийн их температур: 8-нд баруун аймгуудын нутгаар, 9-нд төв, говийн аймгуудын нутгаар, 10,11-нд ихэнх нутгаар өдөртөө халж Их нууруудын хотгор, Алтайн өвөр говь, говийн бүс нутаг, Орхон-Сэлэнгэ, Туул голын сав газраар +33...+39 градус, Алтай, Хангай, Хөвсгөл, Хэнтэйн уулархаг нутгаар  +19...+25 градус, бусад нутгаар +26...+32 градус дулаан байв. 

Агаарын хамгийн бага температур: 5-7-нд ихэнх нутгаар, 11-нд нутгийн баруун хэсгээр, бусад хугацаанд нутгийн хойд хэсгээр сэрүүссэн ба Монгол-Алтайн нуруу, Хангай, Хөвсгөлийн уулархаг нутаг, Хүрэн бэлчир орчим, Идэр, Тэс, Тэрэлж голын хөндийгөөр 0...+5 градус, Их нууруудын хотгор, говийн бүс нутгийн өмнөд хэсэг болон Орхон-Сэлэнгийн сав газраар +12...+17 градус, бусад нутгаар +6...+11 градус хоносон байна.

Cалхи: Ихэнх нутгаар 6-11 м/с , дуу цахилгаантай түр зуурын борооны өмнө 16-21 м/с хүрч ширүүссэн байна. 

Улаанбаатар хот орчмоор: 5-ны өдөр 6,0-44,0мм, 9 болон 11-ний шөнө 11,0-20,0 мм дуу цахилгаантай усархаг аадар, 8-нд 2,0-3,0мм бага зэргийн бороо орсноос Буянт-ухаад 7 хоногийн нийлбэр хэмжээгээр 99,0мм тунадас орлоо. Салхи ихэнх хугацаанд 4-9 м/с, борооны өмнө 12-14 м/с хүрч ширүүссэн байна. Агаарын температурын хувьд 10,11-нд өдөртөө халж +25...+27 градус, шөнөдөө +13...+15 градус, бусад хугацаанд сэрүүсч шөнөдөө +8...+10 градус, өдөртөө +18...+20 градус байв. 

<< Буцах

Онцлох мэдээ

Улаанбаатар - 2019/12/12

23 цаг

-15 5
O
CF
Утаа

0 м/с

ӨНӨӨДӨР - 2019/12/12

-9 15
O
CF
Үүлшинэ

7 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store