Онцлох мэдээ:      7 дугаар сарын 11-нд Туул гол Улаанбаатар хот орчимд усны түвшин 60 см давж үерлэнэ. 7 дугаар сарын 10-ны өдрийн байдлаар Хөвсгөлийн уулсаас эхтэй Эг, Бэлтэс, Хангай нурууны  арын Идэр, Чулуут, Орхон, өврийн Богд, Онги, Хэнтий нурууны баруун хажуугаас усжих Туул, Тэрэлж, Улиастай, Сэлбэ, Сөгнөгөр, Бороо, зүүн хажуугийн Хэрлэн, Алтай нурууны Ховд зэрэг голуудын усны түвшин өмнөх өдрийнхөөс 20-70 см нэмэгдэж, Бэлтэс, Сөгнөгөр, Тэрэлж, Хэрлэн, Ховд гол Мянгад сум орчимд үерийн түвшинг 5-15 см даван хүчтэй үерлэж байна. 7 дугаар сарын 11-нд Туул гол Улаанбаатар хот орчимд усны түвшин 60 см нэмэгдэж , үерийн түвшинг 10 см, Чулуут гол Өндөрулаан орчимд 55 см нэмэгдэж, олон жилийн дунджийг 10 см тус тус давна. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас сэрэмжтэй байхыг онцгойлон  анхааруулж байна. Долдугаар сарын 10-,11-ний өдрүүдэд төвийн нутгийн зүүн хэсэг болон зүүн аймгуудын нутгаар усархаг бороо, цаашид ихэнх нутгаар түр зуурын аадар бороо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд нэмэгдэж, үерлэх, жижиг голууд болон хуурай сайраар уруйн үер буух  нөхцөл бүрдэнэ. Иймд үер усны аюулаас  онцгойлон анхааруулж доорх сэрэмжлүүлгийг хүргэж байна. Үүнд: Гэр, хашаа, саравч, орон байраа гуу жалга, голын ойролцоо барьж суурьшихгүй байх. Бага насны хүүхдийг гол усны ойролцоо тоглуулахгүй байх, хүүхдэд тавих хараа, хяналтаа сайжруулах. Үерийн ус зайлуулах суваг шуудуу татах, далан хашлага барих зэргээр өөрийн болон бусдын амь нас , эрүүл мэнд, эд хөрөнгийг болзошгүй гамшиг ослоос урьдчилан сэргийлэх. Голын усны түвшин нэмэгдэж, үерийн байдалд шилжсэн үед гармаар зорчихгүй зориулалтын гарцтай газраар зорчих. Хот суурийн газрын үерийн далангийн ус зайлуулах хоолойгоор ус чөлөөтэй урсах нөхцлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг зөвлөж байна.   Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс 2020-07-10

Өнгөрсөн 7 хоногт ихэнх нутгаар агаарын температур нэлээд сэрүүсчээ

Тунадас: Өнгөрсөн 7 хоногт ихэнх нутгаар  0,0-48,0 мм бороо орсоноос хамгийн их нь Хөвсгөлийн Тариаланд 48,0мм, Хэнтийн Дадалд 35,3мм, Сэлэнгийн Цагааннуурт 30,3мм, Өвөрхангайн Хархоринд 27,0мм, Хэнтийн Биндэрт 26,8мм бороо орсон байна.  

Агаарын хамгийн их температур: Хугацааны эхээр нийт нутгаар дулаан байж  Их нууруудын хотгор, Алтайн өвөр говь болон говийн бүс нутаг, Дорнод, Дарьгангын тал нутгаар +28...+34 градус,  Монгол-Алтай, Хөвсгөл, Хэнтэйн уулархаг нутгаар  +15...+22 градус, бусад нутгаар +22..+27 градус дулаан байв.  Харин хугацааны эцсээр нийт нутгаар нэлээд сэрүүссэн.

Агаарын хамгийн бага температур буюу шөнөдөө 7 хоногийн эхэн болон дунд үед нийт нутгаар мөн дулаан байлаа Тухайлбал, Монгол-Алтай, Хангай, Хөвсгөлийн уулархаг нутаг, Хүрэн бэлчир орчим, Завхан голын эх, Идэр, Тэс, Тэрэлж голын хөндийгөөр 1...7 градус,  Их нууруудын хотгор, Алтайн өвөр говь болон говийн бүс нутгаар +16...+22 градус, бусад нутгаар +9...+15 градус дулаан байсан бол хугацааны эцсээр  нийт нутгаар хүйтэрч Дархадын хотгор, Монгол-Алтай, Хангай Хөвсгөл, Хэнтэйн уулархаг нутаг,  Завхан голын эх, Хүрэн бэлчир орчим, Идэр, Тэс, Туул, Тэрэлж, Хэрлэн, Онон, Улз голын хөндийгөөр 0.... 7 градус хүйтэн, Эхийн голын Баянбүрд болон говийн бүс нутгийн өмнөд хэсгээр 14-20 градус, бусад нутгаар 8-13 градус дулаан хонож байлаа.

Cалхи: Салхи ихэнх хугацаанд секундэд 6-11 метр байв. Харин  Алтайн салбар уулс болон говь, тал хээрийн нутгаар секундэд 12-17 метр, 6-7нд Дундговийн нутаг, Өмнөговийн зарим газраар секундэд 18-23 метр хүртэл ширүүссэн байна.

Улаанбаатар хот орчмоор:  10,7-24,0 мм бороо орсон байна. Салхи ихэнх хугацаанд 6-11 м/с. 7 хоногийн эхээр өдөртөө 25-30 градус дулаан байсан бол хугацааны сүүлчээр  сэрүүсч 13-18 градус байлаа. шөнөдөө хугацааны эхээр нэлээд дулаан буюу 9-14 градус, харин хугацааны сүүлчээр сэрүүсч +1...+6 градус дулаан хоносон байна. 

<< Буцах

Онцлох мэдээ

Урьдчилан сэргийлэх мэдээ

Өнөөдөр Төв аймгийн зүүн хэсэг, Хэнтийн нутгаар их бороо о
Дэлгэрэнгүй >
Улаанбаатар - 2020/07/10

11 цаг

15 59
O
CF
Үзэгдэлгүй
6 м/с

ӨНӨӨДӨР - 2020/07/10

18 64
O
CF
Бороо

10 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store