Өнгөрсөн 7 хоногт зарим газраар -2...-9 градус хүрч хүйтэрчээ

Тунадас:Ихэнх нутгаар бороо, уулаараа цас орлоо. Нийтдээ 0,0-51,0 мм тунадас орсоноос хамгийн их нь Увсын Малчинд 51,0мм, Цагаан-хайрханд 48,0мм, Баруун-туруунд 43,0мм оржээ.  

Агаарын хамгийн их температур: 7 хоногийн эхэн болон эцсээр дулаарч өдөртөө Их нууруудын хотгор, говийн бүс нутаг, Орхон-Сэлэнгийн сав, Дорнод, Дарьгангын тал нутгаар +27...+33 градус,  Монгол-Алтайн нуруу, Хангай, Хөвсгөл, Хэнтэйн уулархаг нутаг, Увс нуурын хотгороор  +11...+19 градус, бусад нутгаар +20...+26 градус дулаан байлаа.бусад хугацаанд сэрүүхэн байв.

Агаарын хамгийн бага температур: Хугацааны дунд үе буюу 11-13-нд нийт нутгаар хүйтэрч шөнөдөө Алтай, Хангай, Хөвсгөл, Хэнтэйн уулархаг нутаг, Хүрэн бэлчир орчим, Завхан голын эх, Идэр, Тэс, Тэрэлж голын хөндийгөөр -2...-9 градус хүрч хүйтэрсэн бол Алтайн өвөр говь болон говийн бүсийн өмнөд хэсгээр +3...+9 градус, бусад нутгаар -1...+7 градус хонож, хөрсөн дээр цочир хүйтэрсэн байна.

Cалхи: 11-13-нд  зарим газраар түр зуур секундэд 16-23 метр хүрч шороон шуурга шуурсан байна. Бусад  хугацаанд  ихэнх нутгаар 4-9 метр байв.

Улаанбаатар хот орчмоор: 12-нд 0,7-3,0 мм бороо орсон байна. Салхи ихэнх хугацаанд 3-8 м/с, 11-ны өдөр 12-14 м/с хүрч ширүүсэв. Хугацааны эхээр дулаарч өдөртөө +22...+24 градус, шөнөдөө +9...+11 градус дулаан байв. Бусад хугацаанд сэрүүсч 12-13-нд өдөртөө +12...+14 градус, шөнөдөө Яармаг-Сонгины орчмоор -1...-3 градус, бусад хэсгээр +0...+2 градус дулаан, хөрсөн дээр цочир хүйтэрч  хонолоо.  

<< Буцах

Онцлох мэдээ

Улаанбаатар - 2019/10/14

20 цаг

0 32
O
CF
Утаа
1 м/с

ӨНӨӨДӨР - 2019/10/14

7 44
O
CF
Багавтар үүлтэй

5 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store