Онцлох мэдээ:          Хөвсгөлийн уулсаас эх авсан Дэлгэрмөрөн, Бэлтэс, Үүр, Шишхэд, Хангай нурууны арын Чулуут, Идэр, Буянт голын усны түвшин өмнөх өдрөөс 30-115 см нэмэгдэж, Дэлгэрмөрөн, Бэлтэс, Ховд, Буянт, Булган, Хархираа зэрэг голууд үерийн түвшинг 5-55 см даван хүчтэй үерлэж байна. Цаашид ихэнхи нутгаар үргэлжилсэн бороо орж  жижиг гол, хуурай сайраар сүйтгэл ихтэй уруйн үер буух, гол мөрний усны түвшин богино хугацаанд огцом нэмэгдэж үерлэх магадлал өндөр тул голын эрэг дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс үерийн аюулаас байнга сонор сэрэмжтэй байхыг онцгойлон анхааруулж байна. Мөн хот суурин газрын үерийн далангийн ус зайлуулах хоолойгоор ус чөлөөтэй урсах нөхцлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг зөвлөж байна. Гадаргын усны судалгааны хэлтэс 2019-06-17

Өнгөрсөн 7 хоногт зарим газраар цочир хүйтэрч Алтай, Хангай, Хөвсгөл, Хэнтэйн уулархаг нутгаар -2...-7 градус хүйтэн хонож байжээ.

 Өнгөрсөн 7 хоногт баруун, төв, зүүн аймгуудын ихэнх нутаг, говийн аймгуудын хойд хэсгээр 0.0-26.0 мм бороо орсоноос хамгийн их нь Дорнодын Чойбалсан, Баянтүмэн, Сэргэлэн, Хэрлэн, Булган, Хэнтийн Баян-Овоо, Сүхбаатарын Сүхбаатар, Мөнххаан, Асгатад 18.0-26.0мм  бороо орсон байна.  

Хугацааны эхээр сэрүүн байсан боловч хугацааны дунд үеэс дулаарч Алтай, Хангай, Хөвсгөл, Хэнтэйн уулархаг нутгаар +16...+21 градус, говийн бүс нутгийн өмнөд хэсэг болон Орхон-Сэлэнгийн сав газраар +29...+36 градус, бусад нутгаар +21...+27 градус дулаан байв.  
 7 хоногийн эхээр баруун болон төвийн аймгуудын нутгийн зарим газраар цочир хүйтэрч Алтай, Хангай, Хөвсгөл, Хэнтэйн уулархаг нутгаар -2...-7 градус, Алтай өвөр говь болон говийн аймгуудын нутгийн өмнөд хэсгээр +6...+12 градус, бусад нутгаар -1...+7 градус дулаан хонож байв. Бусад хугацаанд ихэнх нутгаар 5-10 градусаар дулаарсан байна.   
Ихэнх нутгаар 7-12 м/с, Алтайн уулс болон говь тал, хээрийн нутгаар 16-24 м/с хүртэл ширүүсч шороон шуурга шуурсан байна.
Улаанбаатар хот орчмоор: Өнгөрсөн 7 хоногт Тэрэлж, Багануур орчмоор 2.8-5,1 мм, хотын төв хэсгээр 0,0-0,4мм бороо орж, салхи ихэнх хугацаанд секундэд 6-11 метр, зарим үед секундэд 12-16 метр  хүрч зөөлөн шороон шуурга шуурсан байна. Хугацааны эхээр сэрүүсч шөнөдөө  Туул, Тэрэлж голын хөндийгөөр цочир хүйтэрч -1...-6 градус, бусад хэсгээр -3...+3 градус, өдөртөө +14...+21 градус, бусад хугацаанд дулаарч шөнөдөө Туул, Тэрэлж голын хөндийгөөр 0...+13 градус, бусад хэсгээр +4...+15 градус, өдөртөө +22...+27 градус дулаан байв
 ав.
 
<< Буцах
Улаанбаатар - 2019/06/17

17 цаг

18 64
O
CF
Үзэгдэлгүй

0 м/с

ӨНӨӨДӨР - 2019/06/17

21 69
O
CF
Бороо

11 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store