Онцлох мэдээ: Дөрөвдүгээр сарын11-ны өдрийн байдлаар Монгол орны ихэнх гол мөрөн мөснөөс бүрэн чөлөөлөгдсөн хэдий ч зарим гол мөрөнд мөсний үзэгдэл идэвхижиж мөс эрчимтэй хайлж, хаврын шар усны үер цөнгийн хахаатай давхцан голын усны түвшин нэмэгдэж, ус эргээсээ хальж голын эрэг татам орчим усанд автах үзэгдэл ажиглагдаж болзошгүй байна. Имйд ард иргэд хаврын шар усны усны үер болон мөс цөмрөх аюулаас сэрэмжтэй байхыг онцгойлон анхааруулж байна.

Өнгөрсөн 7 хоногийн сүүлээр хүйтний эрч суларч, цас багатай, энгэр ээвэр газраар -6...+5 градус байлаа

2021 оны 01 дүгээр сарын 11-ны 08 цагаас 01 дүгээр сарын 18-ны 08 цаг хүртэлх 7 хоногийн цаг агаарын тойм

Хур тунадас: 11-нд баруун аймгуудын нутгийн зүүн хойд, зүүн аймгуудын нутгийн зүүн хэсэг, төвийн аймгуудын нутгийн зарим газраар, 12-нд нутгийн хойд хэсгээр, 13-нд баруун аймгуудын нутгийн хойд, төвийн аймгуудын нутгийн баруун, зүүн аймгуудын нутгийн өмнөд хэсгээр, 14-нд баруун болон говийн аймгуудын нутгийн зарим газраар, төвийн аймгуудын нутгийн баруун, зүүн аймгуудын нутгийн өмнөд хэсэг, 15-нд баруун аймгуудын нутгийн өмнөд, төв болон говийн аймгуудын нутгийн баруун өмнөд хэсгээр, 16, 17-нд зүүн аймгуудын нутгийн зүүн хэсгээр 0.0-5.1 мм цас орсон байна. Үүнээс Увсын Малчин, Улаангом, Түргэн, Хяргас, Баруунтуруун, Завханы Тосонцэнгэл, Баянтэс, Баянхонгорын Эрдэнэцогт, Хөвсгөлийн Чандгат, Цагааннуур, Улаан-Уул, Өвөрхангайн Төгрөг, Гучин-Ус сумдад 3.0-5.1 мм цас орсон байна.

Цасны зузаан: Өнөө өглөөний 08 цагийн цаг уурын өртөө, харуулын талбайн хэмжилтээр Увс нуур болон Дархадын хотгор Говь-Алтай, Хангай, Хөвсгөл, Хэнтэйн уулархаг нутаг, тал, хээрийн бүс нутгаар 1-15 см зузаан цасан бүрхүүлтэй байна. Үүнээс хамгийн их нь Увсын Давст, Сүхбаатарын Дарьганга, Эрдэнэцагаан, Асгат, Түмэнцогт, Сүхбаатар, Хөвсгөлийн Цагаан-Үүр, Баянхонгорын Байдраг, Сэлэнгийн Бугант сумдад 12-15 см, бусад сумдын нутгаар 1-11 см зузаан цасан бүрхүүлтэй байна. 

Агаарын хамгийн их температур: Хугацааны эхэн болон сүүлчээр ихэнх нутгаар хүйтний эрч суларч Увс нуур болон Дархадын хотгор, Тэс голын хөндийгөөр -22...-29 градус, Хангай, Хөвсгөл, Хэнтэйн уулархаг нутаг, Эг-Үүр, Тэрэлж, Хараа, Ерөө, Хэрлэн, Онон, Халх голын хөндий, Дарьгангын тал нутгаар -14...-21 градус, цас багатай, энгэр ээвэр газраар -6...+5 градус, бусад нутгаар -8...-15 градус байв. Хугацааны дунд үеэр ихэнх нутгаар хүйтний эрч чангарсан байна.

Агаарын хамгийн бага температур: Хугацааны дунд үеэр хүйтний эрч чангарч Увс нуур болон Дархадын хотгор, Завхан голын эх, Хүрэнбэлчир орчим, Тэс, Туул голын хөндийгөөр -38...-44 градус, Алтай, Хангай, Хөвсгөл, Хэнтэйн уулархаг нутаг, Идэр, Эг-Үүр, Хараа, Ерөө, Орхон, Сэлэнгэ, Тэрэлж, Хэрлэн, Халх голын хөндий, Дарьгангын тал нутгаар -31...-38 градус, говийн бүс нутгийн өмнөд хэсгээр -18...-25 градус, бусад нутгаар -25...-32 градус байв. Хугацааны эхэн болон сүүлчээр хүйтний эрч бага зэрэг суларсан байна.

Cалхи: 11-нд Алтайн салбар уулс болон говь, тал, хээрийн нутгаар, 12-нд зарим газраар,13, 14-нд Алтайн салбар уулс болон Арц Богдын өвөр хоолойгоор, 16-нд говь, талын нутгаар секундэд 12-20 метр, зарим үед секундэд 24 метр хүрч ширүүссэн байна.

Улаанбаатар хот орчмоор: 12-нд 0.6-1.0 мм цас орж, 16, 17-нд 0.0-0.2 мм хялмаалсан байна. Салхи ихэнх хугацаанд секундэд 5-10 метр. Хугацааны дунд үеэс хүйтний эрч чангарч шөнөдөө Яармаг-Сонгины орчмоор -34...-38 градус, бусад хэсгээр  -28...-31 градус, өдөртөө -17...-22 градус, хугацааны эхэн болон сүүлчээр шөнөдөө Яармаг-Сонгины орчмоор -29...-34 градус, бусад хэсгээр  -21...-26 градус, өдөртөө -14...-17 градус  байв.

<< Буцах

Онцлох мэдээ

Урьдчилан сэргийлэх мэдээ

Дохио!!! Цаг агаарын аюултай үзэгдлээс сэрэмжлүүлэх мэдээ: Өнөөдөр Дорноговь, Сүхбаатарын нутаг, Хэнтий, Дорнодын өмнөд хэсгээр цасан шуурга шуурч,
Дэлгэрэнгүй >
Улаанбаатар - 2021/04/15

11 цаг

-2 28
O
CF
Үзэгдэлгүй
3 м/с

ӨНӨӨДӨР - 2021/04/15

0 32
O
CF
Ялимгүй цас

9 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store