Онцлох мэдээ: Мөс цөмрөх аюулаас сэрэмжлүүлэх мэдээ                 Дөрөвдүгээр сарын нэгний өдрийн байдлаар манай орны ихэнх гол, мөрөн, нуурын мөсний зузаан өнгөрсөн хугацааныхаас 5-50 см нимгэрч  мөс харлах, мөс байрандаа хайлах, усан зах үүсэх, харз гүйх зэрэг үзэгдэл ажиглагдаж  байна. Цаашид цаг агаарын дулааралтай уялдан гол мөрний мөс хайлж, мөсний нягт багасан хэврэгших тул цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг онцгойлон анхааруулж байна. Гадаргын усны судалгааны хэлтэс 2020-04-01

Ажиглалтын мэдээ > Цаг агаарын мэдээ
Шинэчлэгдсэн: 2020-04-07 14:49:17

Хэвлэх

Сарын тойм

2020 ОНЫ 3 ДУГААР САРЫН УУР АМЬСГАЛЫН ТОЙМ

     Хаврын улиралд цаг агаар тогтворгүй байдагтай холбоотой агаарын температурын хэлбэлзэл ихэсдэг.  Манай орны 3 дугаар сарын агаарын дундаж температур Алтай, Хангай, Хөвсгөл, Хэнтийн уулархаг нутгаар -10°С -аас -20°С (14°F-аас -4°F), цөлийн бүс нутгаар -1.2°С-аас  2.5°С (29.8°F-аас 36.5°F), бусад нутгаар -1°С -аас -10°С  (30.2°F-аас 14°F) хүйтэн байдаг байна.

    Монгол орны хэмжээнд 3 дугаар сард хур тунадас бага унадаг бөгөөд ойролцоогоор жилийн нийлбэр хур тунадасны 2 хувьтай тэнцдэг. Сардаа  Говь-Алтай, Баянхонгорын урд, Өмнөговийн баруун хэсгээр 5-6 мм, Өлгий, Увс, Ховдийн хойд хэсэг, Дундговь, Дорноговийн нутгаар 1-3 мм бусад нутгаар 2-5 мм тунадас унадаг байна.

Зураг 1. 1981-2010 оны 3 дугаар сарын агаарын дундаж температур, нийлбэр хур тунадасны  газарзүйн тархалт

     2020 оны 3 дугаар сард агаарын дундаж температур ихэнх нутгаар 1981-2010 оны олон жилийн дунджаас (ОЖД) дулаан байсан. Бүс нутгаар авч үзэхэд  (Зураг 2) Хөвсгөл, Дархан, Сэлэнгэ, зүүн зүгийн нутаг, Дорноговь, Өмнөговь, Өвөрхангай, Баянхонгор, Ховдын ихэнх нутгаар ОЖД-аас +3.0–ээс +5.0°С –аар илүү дулаан байсан бол Архангайн Тариат, Завханы зүүн, Хөвсгөлийн урьд хэсгээр ОЖД орчим байжээ. 

     Хур тунадасны хувьд тус сард Монгол орны хэмжээнд дунджаар 2.9 мм тунадас орсон. Бүс нутгаар авч үзэхэд  (Зураг 2) ихэнх нутгаар ОЖД-аас 20-40 хувиар бага хур тунадас орсон. Харин Увс, Ховд, Завханы зүүн хэсэг, Хөвсгөл, Сэлэнгийн зүүн хэсэг, Төв аймаг, Улаанбаатар орчмоор ОЖД-аас 20-50 хувийн ахиу тунадас оржээ.

Зураг 2.  2020 оны 2 дугаар сарын агаарын дундаж температур, нийлбэр хур тунадасны ОЖД-аас хазайх хазайлт

     Монгол орноор дундажласан 3 дугаар сарын хоногийн дундаж  агаарын температурын явцыг харахад (Зураг 3) ерөнхийдөө 1 дүгээр сард дулаан байсан ба сарын дундаас эхлээд ОЖД-аас +3–ээс +9°С –аар илүү дулаарсан. Харин сарын сарын сүүл хэсгээр хүйтрэлт ажиглагдаж ОЖД-аас -0.7–аас -5.8°С хүйтэн байжээ. Хур тунадасны хувьд 1 дүгээр 10 хоног болон 3 дугаар 10 хоногт бага зэрэг тунадас оржээ.

Зураг 3. Хоногийн дундаж агаарын температур, нийлбэр хур тунадасны ОЖД-аас хазайх хазайлт

     Тус сард агаарын температурын үнэмлэхүй их утга Дархан-Уулын Дарханд агаарт 21.4°С, хөрсний үнэмлэхүй их температурын утга Өмнөговийн Сайхан, Говь-Алтайн Цогтд 42°С хүрч ажиглагдсан бол  үнэмлэхүй бага утга Завханы  Цэцэн-Уулд агаарт -36.0°С, Хөвсгөлийн Эрдэнэбулганд хөрсөнд -38°С хүрч хүйтэрсэн. Харин даралтын үнэмлэхүй их утга  Сэлэнгийн Сүхбаатарт 958.4 гПА, бага утга Баянхонгорын Баянбулагт 761.9 гПа хүрч тус тус ажиглагдсан. Салхины хурд хамгийн их нь Говь-Алтайн Бугатад 31м/с хүрчээ. 

Зураг 4. Тус сард ажиглагдсан экстремаль утгууд

Уур амьсгалын өөрчлөлт, нөөцийн судалгааны хэлтэс, УЦУОСМХ

Улаанбаатар - 2020/04/08

8 цаг

1 33
O
CF
Үзэгдэлгүй

0 м/с

ӨНӨӨДӨР - 2020/04/08

11 51
O
CF
Үүлшинэ

10 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store