Ажиглалтын мэдээ > Цаг агаарын мэдээ
Шинэчлэгдсэн: 2017-04-03 17:26:18

Хэвлэх

Сарын тойм

                                                           2017 оны 3 дугаар сарын уур амьсгалын тойм

  1. Цаг агаар, уур амьсгалын онцлог

а. Температур

3 дугаар сарын агаарын дундаж температур -5.9°C градус хүйтэн буюу уур амьсгалын дунджаас /1981-2010/ 1.6°C-аар дулаан байлаа. Баян-Өлгийн Булган, Ховдын Булган, Завханы Цэцэн-Уул, Сэлэнгийн Ерөө сумдын нутгаар уур амьсгалын дунджаас -2.7°C...-5.4°C градусаар хүйтэн, бусад нутгаар дунджийн орчим ба дунджаас +1.5°C...+4.8°C  градусаар дулаан байлаа./зураг-1/

       3 дугаар сарын агаарын шөнийн үнэмлэхүй бага температур Дархадын хотгор, Идэр, Тэс, Ерөө, Халх голуудын сав, Хүрэн бэлчир орчмоор -29°C ...-39°C градус, Орхон, Сэлэнгэ, Хараа, Туул, Тэрэлж, Онон, Хэрлэн голуудын сав дагуух нутгуудаар -21°C..-25°C градус, Алтайн өвөр говь болон Говийн нутгийн өмнөд хэсгээр -11°C..-18°C градус, бусад нутгаар -15°C..-20°C градус хүйтэн байв.3 дугаар сард үнэмлэхүй хамгийн бага температур Завханы Цэцэн-Уул сумын нутагт -39°C хүрсэн байна.   

      3 дугаар сарын агаарын өдрийн үнэмлэхүй их температур Алтайн өвөр говиор +15°C...+20°C градус дулаан, Дархадын хотгор, Идэр, Тэсийн голын хөндий, Хүрэн бэлчир орчимоор +0...+4°C градус дулаан, бусад нутгаар +5...+14°C градус дулаан байлаа. Үнэмлэхүй их температур Баянхонгорын Жинст /Эхийн гол/ суманд +20°C градус хүрэв. 

б. Хур тунадас

        3 дугаар сарын 1 дүгээр арав хоногийн дунд үе, 2 дугаар арав хоногийн эхэн болон сүүлчээр ихэнх нутгаар, 3 дугаар арав хоногийн эхний хагаст баруун болон говийн аймгуудын нийт нутаг, төвийн аймгуудын баруун хэсгээр бороо, цас орж, нийт орсон хур тунадасны хэмжээ 0.2-37.9 мм байв. Хаврын анхны бороо 3 дугаар сарын 21-нд Говь-Алтайн Цогт /Баянтоорой/ сумын нутгаар орсон байна. 3 дугаар сарын 31-ний байдлаар хамгийн зузаан цасан бүрхүүл Баян-Өлгийн Булган, Ховдын Булган, Увсын Малчин, Баруунтуруун, Түргэн, Хяргас, Баянхонгорын Баянхонгор, Өвөрхангайн Хархорин, Дундговийн Сайхан-Овоо, Өмнөговийн Булган сумдын нутгаар 30-41см байлаа./зураг-4/. Мөн Баянхонгорын Баянхонгор, Өвөрхангайн Богд, Дундговийн Сайхан-Овоо, Өмнөговийн Булган, Ноён, Манлай сумдын нутгаар сүүлийн 60-аад жил ороогүй их хур тунадас орсон сар байлаа. Хур тунадасны үнэмлэхүй их хэмжээ Өмнөговийн Булган суманд 37.9 мм орж, хамгийн зузаан цасан бүрхүүл мөн энэ сумын нутагт 41 см байв.

Орсон цасны хэмжээг уур амьсгалын дундажтай харьцуулбал Баян-Өлгий, Увс, Ховд, Баянхонгор, Өвөрхангай, Өмнөговийн нийт нутаг, Завхан, Говь-Алтай, Булганы баруун, Хөвсгөлийн зүүн, Архангайн зүүн өмнөд, Дундговийн баруун өмнөд хэсгээр уур амьсгалын дунджаас ахиу, бусад нутгаар уур амьсгалын дунджийн орчим ба дунджаас бага хур тунадас орсон байна. /зураг-2/.                

в. Салхи

         3 дугаар сарын салхины үнэмлэхүй их хурдыг авч үзвэл ихэнх нутгаар 12-14м/с, говь, талын аймгуудын нутгаар секундэд 16-18 метр хүрч ширүүссэн байна. Мөн Говь-Алтайн Бугатад түр зуур 20м/с, Дундговийн Мандалговьд 19м/с хүрсэн байна.  

 

Улаанбаатар - 2017/04/24

8 цаг

-3 26
O
CF
Утаа
2 м/с

ӨНӨӨДӨР - 2017/04/24

6 42
O
CF
Үүлшинэ

9 м/с

Шинэ мэдээ

Санал асуулга

Та цаг агаарын өдөр тутмын мэдээллээ ямар эх сурвалжаас авдаг вэ?

google play app store