Цаг агаар

Онцлох мэдээ: 2018-04-20-ны өдрийн байдлаар Монгол орны ихэнх гол, мөрөн мөснөөс бүрэн чөлөөлөгдсөн хэдийч зарим гол мөрөнд мөсний үзэгдэл идэвхижиж мөс эрчимтэй хайлж, хаврын шар усны үер цөнгийн хахаатай давхцан голын усны түвшин нэмэгдэж, ус эргээсээ хальж голын эрэг татам орчим усанд автах үзэгдэл ажиглагдаж болзошгүй байна. Иймд ард иргэд хаврын шар усны үер болон мөс цөмрөх аюулаас сэрэмжтэй байхыг онцгойлон анхааруулж байна. Гадаргын усны судалгааны хэлтэс 2018-04-20

Ажиглалтын мэдээ > Цаг агаарын мэдээ

Шинэчлэгдсэн: 2018-04-22 09:42:50

Хэвлэх

Цаг агаарын 1 хоногийн тойм

Өнгөрсөн 1 хоногийн цаг агаарын байдлын тойм

( 2018 оны 04 дүгээр сарын 21-ний 08 цагаас 2018 оны 04 дүгээр сарын 22-ны 08 цаг хүртэл )

Тунадас: Өнгөрсөн хоногт Булган, Өвөрхангай, Өмнөговь, Дундговийн нутаг, Архангай, Дорноговийн өмнөд, Баянхонгорын хойд хэсгээр 0.0-12.0 мм бороо орсон байна. Үүнээс хамгийн их нь Дундговийн Луусд 12.0 мм, Өвөрхангайн Төгрөг, Булганы Могод, Бугат, Бүрэгхангай, Өмнөговийн Даланзадгад, Сайхан, Дорноговийн Өргөн, Дундговийн Дэлэгхул, Дэлгэрхангай, Сайхан-Овоод 3.0-6.0 мм хур тунадас орсон байна.

Цасны зузаан: Өвөрхангайн нутгаар 0,0-2,0 см цастай байна.

/Зураг-2/

Температур их: Өчигдөр өдөр Хангай, Хөвсгөлийн уулархаг нутаг, говийн нутгаар өмнөх өдрөөсөө 1-8 градусаар сэрүүсч, бусад нутгаар 0-5 градусаар дулаарч Монгол Алтайн нурууны өвөр бэл, Хангай, Хөвсгөл, Хэнтийн уулархаг нутаг, Хүрэн бэлчир орчмоор +4...+8 градус, Алтайн өвөр говиор +13...+20 градус, бусад нутгаар +9...+14 градус дулаан байв.

/Зураг-3/

Температур бага: Шөнөдөө Хангай, Хөвсгөлийн уулархаг нутаг, говийн бүс нутгаар өмнөх шөнөөсөө 1-8 градусаар хүйтэрч Алтай, Хангай, Хөвсгөл, Хэнтийн уулархаг нутгаар -4....-10 градус, Алтай өвөр говиор +4...+9 градус, бусад нутгаар -4...+4 градус хоносон байна.

/Зураг-4/

Cалхи: : Өнгөрсөн хоногт салхи ихэнх нутгаар 6-11 м/с, Алтайн салбар уулс болон говь, тал, хээрийн нутгаар 12-14 м/с байна.

Улаанбаатар хот орчмоор: Өнгөрсөн хоногт бороо ороогүй. Салхи 6-11 м/с байна. Өчигдөр өдөр +9...+11 градус, өнгөрсөн шөнө -1...+2 градус хоносон байна.