Ажиглалтын мэдээ > Голын усны тойм мэдээ
Шинэчлэгдсэн: 2017-09-22 09:54:56

Хэвлэх

Гол, мөрний усны горимын тойм 2017-09-21

2017 оны есдүгээр сарын хоёрдугаар арав хоног

            1.Хойт мөсөн далайн ай савын гол мөрөн

Хөвсгөлийн уулсаас эх авсан Дэлгэрмөрөн, Үүр, Шишхэд голын усны түвшин өнгөрсөн арав хоногт 15-25 см буурсан бол Эг, Бэлтэс, Бүгсий голын хувьд хугацааны турш хоногийн түвшний өөрчлөлт багатай байсан байна. Эдгээр голуудын арав хоногийн дундаж түвшинг 2016 оны мөн үе болон олон жилийн дундажтай харьцуулбал 10-30 см бага харин Үүр голын 5-35 см их байна.

Хангай нурууны араас усжих Идэр, Хануй, Чулуут, Суман, Хойттамир ба Урдтамир голын усны түвшин өмнөх арав хоногийн турш хоногт 1-2 см буурсан ерөнхий явцтай байсан ба арав хоногийн дундаж утга олон жилийн дундаж болон өмнөх оны мөн үеийнхээс  20-60 см бага байна.

Хэнтий нурууны баруун хажуугийн Хараа, Ерөө, Шарын гол, Тэрэлж,  Туул, Сөгнөгөр, Сэлбэ, Улиастай зэрэг голын усны түвшин өнгөрсөн хугацааны турш аажим буурсан ба арав хоногийн дундаж түвшин олон жилийн дунджаас 10-40 см бага харин 2016 оны мөн үеэс 5-30 см ахиу байлаа.

Сэлэнгэ мөрөн Орхон голын дагууд усны түвшин өмнөх арав хоногийн турш хоногт 1-5 см буурсан хандлагатай байсан ба арав хоногийн дунджаараа 2016 оны мөн үе болон олон жилийн дунджаас 25-75 см бага түвшинд байв. Харин Сэлэнгэ мөрний дунд болон адаг хэсгээр олон жилийн дундаж түвшнээс 15-50 см ахиу байна.

            2.Номхон далайн ай савын гол мөрөн

            Хэнтий нурууны ар, зүүн хажуугийн Хурх, Барх, Эг, Онон, Хэрлэн, Улз, Их Хянганы нуруунаас эхтэй Халх голын дагууд 9 дүгээр сарын дунд арав хоногийн турш усны түвшин аажим буурсан явцтай байсан ба арав хоногийн дундаж түвшин өмнөх оны мөн үе болон олон жилийн дунджаас 10-40 см бага байсан бол Балж, Хэрлэн голын эх болон Онон голын адгаар 15-40 см их байлаа.

            3. Төв Азийн гадагш урсацгүй ай сав                

            Алтай нуруунаас усжих Ховд, Буянт, Булган, Сагсай, Турган, Харбут, Чигэртэй, Дундцэнхэр зэрэг голын усны түвшин өнгөрсөн хугацааны турш  аажим буурсан ба эдгээр голуудын арав хоногийн дундаж түвшинг олон жилийн дундаж болон өнгөрсөн оны мөн үеийнхтэй харьцуулбал 10-45 см бага байна.

 Хангай нурууны өврийн Богд, Чигэстэй, Буянт, Хожуул, Тээл, Завхан, Шарга, Түй, Заг, Байдраг, Шаргалжуут, Онги зэрэг голын усны түвшин өнгөрсөн хугацаанд харьцангуй хэлбэлзэл багатай буюу хоногийн түвшний өөрчлөлт  1-2 см байсан ба арав хоногийн дундаж утгаараа өнгөрсөн оны мөн үе болон олон жилийн дундаж түвшнээс 10-60 см бага  байна.  

            Увс нуурын савын Чигж, Хархираа, Баруунтуруун, Түргэн, Намир, Хангилцаг, Хариг зэрэг голуудын усны түвшин өмнөх арав хоногийн турш хоногийн түвшний өөрчлөлт багатай байсан ба арав хоногийн дундаж түвшин олон жилийн дундаж болон 2016 оны мөн үеийнхээс 10-35 см бага харин Түргэн, Хархираа голын хувьд 15-45 см ахиу байна.

Есдүгээр сарын хоёрдугаар арав хоногийн байдлаар манай орны ихэнх гол мөрний усны түвшин аажим буурсан явцтай байлаа.  

ГУСХ

2017.09.22

Урьдчилан сэргийлэх мэдээ

23-наас 24-нд шилжих шөнө Баян-Өлгийн нутаг, Ховдын хойд хэсгээр, 24-ний өдөр Ховд, Говь-алтайн нутаг, Баянхонгорын өмнөд хэсгээр салхи секундэд 18-20
Дэлгэрэнгүй >
Улаанбаатар - 2017/09/23

20 цаг

7 44
O
CF
Үүл багасcан
2 м/с

ӨНӨӨДӨР - 2017/09/23

12 53
O
CF
Ялимгүй хур тунадас

8 м/с

Шинэ мэдээ

Санал асуулга

Та цаг агаарын өдөр тутмын мэдээллээ ямар эх сурвалжаас авдаг вэ?

google play app store