Онцлох мэдээ: Дөрөвдүгээр сарын11-ны өдрийн байдлаар Монгол орны ихэнх гол мөрөн мөснөөс бүрэн чөлөөлөгдсөн хэдий ч зарим гол мөрөнд мөсний үзэгдэл идэвхижиж мөс эрчимтэй хайлж, хаврын шар усны үер цөнгийн хахаатай давхцан голын усны түвшин нэмэгдэж, ус эргээсээ хальж голын эрэг татам орчим усанд автах үзэгдэл ажиглагдаж болзошгүй байна. Имйд ард иргэд хаврын шар усны усны үер болон мөс цөмрөх аюулаас сэрэмжтэй байхыг онцгойлон анхааруулж байна.

Ажиглалтын мэдээ > Голын усны тойм мэдээ
Шинэчлэгдсэн: 2021-04-11 17:04:17

Хэвлэх

Гол мөрний мөсний үзэгдэл, зузааны тойм 2021-04-11

2021 оны дөрөвдүгээр сарын нэгдүгээр арав хоног

  1. Хойт мөсөн далайн ай савын гол, мөрөн

Хөвсгөлийн уулсаас эх авсан Бэлтэс, Бүгсий, Үүр, Шишхэд зэрэг голуудад  өмнөх арав хоногт мөс байрандаа хайлах, мөсөн дээгүүр ус урсах зэрэг үзэгдэл ажиглагдсаны улмаас мөсний зузаан 10-35 см нимгэрч,  15-90 см зузаан мөсөн бүрхүүлтэй болсон ба энэ нь 2020 оны мөн үеийнхээс 10-30 см нимгэн байна. Хөвсгөл нуурын мөсний зузаан өнгөрсөн хугацаанд 5 см орчим нимгэрч, Хатгал тосгон  болон Ханх сум орчимд 95-100 см зузаантай энэ нь  олон жилийн дунджаас 10-20 см нимгэн байна.

Хангай нурууны араас усжих Идэр, Хануй, Чулуут, Суман, Хойттамир, Урдтамир зэрэг голуудын мөсний зузаан өмнөх арав хоногт 20-45 см нимгэрч, Хойттамир, Чулуут болон Идэр голын адгаар гол мөснөөс бүрэн чөлөөлөгдсөн байна. Дээрх голуудад мөс харлах, мөсөн дээгүүр ус урсах, цасан хөвлөг, усан зах үүсэх зэрэг үзэгдэл ажиглагдаж байна. Тэрхийн-Цагаан болон Өгий нуурын мөсний зузаан өмнөх арав хоногоос 5 см нимгэрч, 110-120 см зузаантай болсон ба Өгий нуурын мөсний зузаан олон жилийн дунджаас 10 см ахиу бол Тэрхийн-Цагаан нуур 15 см нимгэн байна.

Хэнтий нурууны баруун хажуугийн Тэрэлж, Сөгнөгөр, Туул гол Улаанбаатар хот орчимд 80-100 см зузаан мөсөн бүрхүүлтэй байгаа бол бусад голуудад усан зах үүсэх, харз гүйх, мөс хөдлөх, шингэн цөн түрэх зэрэг үзэгдэл ажиглагдаж байна. Хараа гол Дархан хот орчим 4 дүгээр сарын 1-ний өдөр цөнгийн хахаа үүссэний улмаас усны түвшин 88 см нэмэгдсэн байна.

Сэлэнгэ мөрөн Орхон голын нийт уртын дагууд өнгөрсөн хугацаанд буюу дөрөвдүгээр сарын эхний арав хоногт шингэн цөн, харуулаас дээш цөнгийн хахаа үүсэх зэрэг үзэгдэл зонхилон ажиглагдаж гол мөснөөс бүрэн чөлөөлөгдсөн бол Орхон голын эхээр усан зах үүсч мөс байрандаа хайлах үзэгдэл голлон ажиглагдаж, 40-130 зузаан мөстэй болсон байна.

   2.Номхон далайн ай савын гол, мөрөн

   Хэнтий нурууны ар, зүүн хажуугаас эхтэй Хурх, Барх, Эг, Балж, Онон, Хэрлэн, Улз болон Их Хянганы нуруунаас усжих Халх голын дагууд  мөсний зузаан өнгөрсөн арав хоногт 5-50 см нимгэрч, 65-120 см зузаан мөсөн бүрхүүлтэй болжээ. Харин Хэрлэн голын адаг болон Халх, Улз голын нийт уртын дагууд гол мөснөөс бүрэн чөлөөлөгдсөн байна.

3. Төв Азийн гадагш урсацгүй ай сав           

            Алтай нуруу болон түүний салбар уулсаас усжих Ховд, Буянт, Долооннуур зэрэг голууд 50-110 см зузаан мөсөн бүрхүүлтэй, усан зах үүсч мөс байрандаа хайлах үзэгдэл зонхилсон бол бусад голууд мөснөөс чөлөөлөгдсөн байна.

Хангай нурууны өврөөс эхтэй Богд, Чигэстэй, Буянт, Хүнгүй, Яруу, Хожуул, Завхан, Заг, Байдраг, Шаргалжуут, Цагаантуруут, Шар ус, Онги, Таац болон Ойгон, Тайган, Хөх нуурт 25-110 см зузаан мөсөн бүрхүүлтэй байгаа нь  өнгөрсөн хугацааныхаас 10-60 см нимгэрсэн байна. Зэгстэй, Таац, Байдраг голд шингэн болон дунд зэргийн цөн түрэх үзэгдэл ажиглагдаж байна.

Увс нуурын савын Чигж, Баруунтуруун, Хархираа, Түргэн, Тэс, Намир, Хангилцаг, Хариг зэрэг голын мөсний зузаан өмнөх арав хоногоос 5-45 см  нимгэрч, 20-70 см зузаан мөсөн бүрхүүлтэй болсон ба эдгээр голуудад усан зах, мөс байрандаа хайлах, мөсөн дээгүүр ус урсах зэрэг үзэгдэл ажиглагдаж эхэлсэн байна. Увс нуур 90 см зузаан мөстэй бол Хяргас нуур мөснөөс чөлөөлөгдсөн байна.

Дөрөвдүгээр сарын нэгдүгээр арав хоногийн байдлаар Монгол орны ихэнх гол мөрөн мөснөөс бүрэн чөлөөлөгдсөн хэдий ч зарим гол мөрөнд мөсний үзэгдэл идэвхижиж мөс эрчимтэй хайлж, хаврын шар усны үер цөнгийн хахаатай давхцан голын усны түвшин нэмэгдэж, ус эргээсээ хальж голын эрэг татам орчим усанд автах үзэгдэл ажиглагдаж болзошгүй байна. Имйд ард иргэд хаврын шар усны усны үер болон мөс цөмрөх аюулаас сэрэмжтэй байхыг онцгойлон анхааруулж байна.

Гадаргын усны судалгааны хэлтэс,  2021-04-11

Онцлох мэдээ

Урьдчилан сэргийлэх мэдээ

Дохио!!! Цаг агаарын аюултай үзэгдлээс сэрэмжлүүлэх мэдээ: Өнөөдөр Дорноговь, Сүхбаатарын нутаг, Хэнтий, Дорнодын өмнөд хэсгээр цасан шуурга шуурч,
Дэлгэрэнгүй >
Улаанбаатар - 2021/04/15

11 цаг

-2 28
O
CF
Үзэгдэлгүй
3 м/с

ӨНӨӨДӨР - 2021/04/15

0 32
O
CF
Ялимгүй цас

9 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store