Агаарын температурын арав хоногийн дундаж Алтай, Хангай, Хөвсгөлийн өндөрлөг уулс, Хан Хөхийн нуруу,  Хархираа, Түргэний уулс, Увс нуурын хотгор, Идэр, Тэс голийн хөндийгөөр 10,0-27,9 градус, Алтай, Хангай, Хэнтэй, Хөвсгөлийн уулархаг нутаг, Дархадын хотгороор 5,0-9,9 градус хүйтэн, өмнөд говиор 0,1-7,0 градус дулаан, бусад нутгаар 0,0-4,9 градус хүйтэн (1 дүгээр зураг) буюу нийт нутгаар олон жилийн дунджийн орчим буюу түүнээс 1,1-7,8 градусаар дулаан байлаа.

Агаарын температур өдөртөө ихэнх нутгаар 1-10 градус,  Бурхантын хөндий болон говийн нутгаар 11-19 градус дулаан, Увс нуурын хотгор, 0-10 градус хүйтэн, шөнөдөө ихэнх нутагт 9-20 градус, Алтай, Хангай, Хэнтэй, Хөвсгөлийн уулархаг нутгаар 21-31 градус хүйтэн байлаа.

Хөрсний гадарга дээр өдөртөө  Увс нуурын хотгор, Идэр, Тэсийн голын хөндийгөөр 2-10 градус, Булнайн нуруу, Увс нуурын хотгор, Идэрийн голын хөндийгөөр 1-10 градус, Алтай, Хангай, Хөвсгөлийн уулархаг нутгаар 11-20 градус, говийн нутгаар 31-36 градус, бусад нутгаар 21-30 градус дулаан, шөнөдөө ихэнх нутгаар 21-30 градус, Идэр, Тэсийн голын хөндийгөөр 31-36 градус, Монголын Дорнод тал болон говийн нутгаар 12-20 градус дулаан байлаа.

Энэ арав хоногт хур тунадас ихэнх нутгаар 0,0-5,0 мм, Завханы Идэр, Архангайн Булган, Төвшрүүлэх, Эрдэнэбулган, Чулуут, Өвөрхангайн Хархорин, Баруунбаян-Улаан, Богд, Дундговийн Луус, Гурвансайхан, Дэлгэрхаан, Өмнөговийн Манлай сумдад 5,1-9,6 мм орсон (2 дугаар зураг) буюу олон жилийн дундажтай харьцуулбал нутгийн 70 орчим хувьд дунджаас бага, 30 гаруй хувьд дунджийн орчим буюу түүнээс ахиу тунадас орсон байна.

            Cалхины их хурд Баян-Өлгий, Ховд, Говь-Алтай, Баянхонгор, Хэнтийн ихэнх, Увс, Завхан, Архангай, Өвөрхангай, Булган, Сэлэнгэ, Дархан-Уул, Төв, Дорнод, Сүхбаатар, Дундговь, Дорноговь, Өмнөговийн зарим сумдын нутгаар 16-27 м/с буюу аюултай үзэгдлийн хэмжээнд, Говь-Алтайн Бугатад 31 м/с буюу онц аюултай үзэгдлийн хэмжээнд хүрч салхилсан байна.

Цаг агаарын нөхцлийн онцлог

• 3 дугаар сарын 20-ны байдлаар Увс, Завхан, Архангай, Өвөрхангай, Дундговийн ихэнх, Баян-Өлгий, Баянхонгор, Төв, Дорноговь, Өмнөговийн зарим нутгаар цасан бүрхүүлтэй байна. Үүнээс Баян-Өлгийн Сагсай/Даян/, Увсын Баруунтуруун, Зүүнговь, Хяргас, Малчин, Завханы Цагаанчулуут, Баянтэс, Алдархаан, Яруу, Идэр, Баянхайрхан, Тэлмэн, Архангайн Чулуут, Төвшрүүлэх, Өвөрхангайн Баруунбаян-Улаан, Дундговийн Луус сумдад 10-19 см зузаан цастай байна.
• Мал аж ахуйн үйлдвэрлэлд бог мал төллөж байгаа мэдээтэй байна.
• Энэ арав хоногт ихэнх нутагт дулаан байсан боловч үе үе хүчтэй цасан болон шороон шуурга шуурч байлаа.