Цаг агаар

Урьдчилсан мэдээ > Улирал

Шинэчлэгдсэн: 2020-10-02 16:11:47

Хэвлэх

2020 оны XI сараас 2021 оны I сарын цаг агаарын урьдчилсан төлөв

2020 оны 11 дүгээр сараас 2021 оны дүгээр сарын уур амьсгал

Уур амьсгалын дунджаар агаарын сарын дундаж температур XI сард Алтай, Хангай, Хөвсгөл, Хэнтийн уулархаг нутгаар -13...-20°C, говь-цөлийн бүс нутгаар -1...-7°C, бусад нутгаар -8...-13°C хүйтэн байдаг бол XII сард Хангай, Хөвсгөл, Хэнтийн уулархаг нутаг болон томоохон гол, нуурын сав газраар –20...–24°C хүйтэн, харин говь-цөлийн бүс нутгаар -15...-12°C, бусад нутгаар -14...-24°C хүйтэн байдаг. Харин I сарын дундаж температур -21.2°C байдаг боловч өндөр уулархаг болон томоохон гол, нуурын сав газраар –30°C градус хүйтэн, говь-цөлийн бүс нутгаар -17°C градус хүйтэн байдаг.

Хур тунадасны хувьд XI сард Увсын хотгор орчмоор 10-12мм, нутгийн хойд болон зүүн, Ховдын урд хэсгээр 3-9 мм, бусад нутгаар 1-3 мм тунадас унадаг. Харин XII сард хур тунадас бага унадаг бөгөөд ойролцоогоор жилийн нийлбэр хур тунадасны 1 хувьтай тэнцдэг. Сардаа томоохон гол, нуурын сав газар болон Ховдын зүүн өмнөд хэсгээр 4 мм-ээс их, бусад нутгаар 0.1-3.8 мм тунадас унадаг. I сард дунджаар 1.7 мм хур тунадас унадаг ба энэ нь жилийн нийлбэр хур тунадасны 1 хувьтай тэнцдэг. Сардаа томоохон гол, нуурын сав газар болон Ховдын урд хэсгээр 3.5 мм-ээс их, Баян-Өлгий, Увсын зүүн хэсэг, Ховдын зарим нутгаар 1 мм-ээс бага тунадас унадаг байна.

2020 оны XI сараас 2021 оны I сарын цаг агаарын мэдээ

Арваннэгдүгээр сард. Сарын дундаж агаарын температур ОЖД – аар Увсын зүүн, Завхан, Баянхонгорын хойд, Хөвсгөлийн баруун хэсгээр 14–19°C, Ховд, Говь-Алтай, Баянхонгор, Өвөрхангай, Дундговь, Дорноговийн өмнөд хэсэг, Өмнөговийн нутгаар 2–8°C, бусад нутгаар 9–14°C хүйтэн байдаг.

Энэ сард ихэнх нутгаар дунджийн орчим, Их нуруудын хотгор, Хангайн нуруу, Хөвсгөлийн уулсаар болон Хэнтий нуруу, Дорнод Монголын талын хойд хэсгээр олон жилийн дунджаас 1.0-1.5°C–аар хүйтэн байх төлөвтэй байна (Зураг 1).

Дэлгэрэнгүй>>